الهمبول
الناس فكو صوبهم وتابعو الشيطان واصبحو بالمظاهر إقيمو الإنسان لو مابقيت مهندم وذو مكانة وشان رايك ما بهمهم إن بقيت لقمان *** قايلين القرش ياهو البتم الفرقة وإتناسو القناعة المافي زيها درقة بينك وبين اخوك اضحي الحساب بالورقة وانتهت القيم راحت شمار في مرقة *** زمنا" فيهو صوت العندو ثروة بّدِوَيَ فيهو راي الضعيف كان نجم مابّضُوَيَ ياكافي البلاء وحايد المحن يالُقًوَيَ بقو في داكا عندو وداكا داير إسِوَيَ *** كل مايطل صباح اتغيرو واترَدِوَ بي سيرة الخلايق يفطرو ويتغًدِوَ الغنيان بيقبلو بي مزاحو وجْدِوَ والفقران اكان سلم عليهو مابّرَدِوَ *** يصحو.يَنومو بي هما عتيه جيوشو وإقعو وإقومو بي سيرة فلان وقًرَوشو دهرن شووم واتقلبو البرية وحُوشو ومهما يجرور غير الانكتب مابحوشو *** في البي آسبابو جنه وفطة كم كراس وفي السوالو عقدة وبشتنه وهلواس واحدين في اعتقادن بشتروبو الناس لاكين كيف بيقدرو يشترو الاخلاص؟ *** زمنا شين ووشو من العليهو مٌتْقًبّحُ الناس فيهو ضلو وشيخو المابّسِبّحُ الفوق بابو همبول الفقر متْشِبّحُ لابزورهو لا بلقي...