سيد المزايين

مالي غير احبك وان تبي البرهاني

وهمي صون ودك والصدق عنواني

بفديك بحياتي يا لغلا واوزاني

دامك في عيوني وخاطري وجداني

***

يا سيد المزايين الحشيم الغالي

هونك بي تمهل ما دريت إبحالي

ارحمني بوصلك ياغرامي وفالي

وإن تبغي عزابي يالغلا يحلالي

***

اامر يا مودي وش تبي و تموني

غالي وتحت امرك يالغلا مرهوني

افديك بحياتي وخافقي وعيوني

واوفيلك واصونك والوفا من بوني

***

اشقاني التجافي وزادت الحسراتي

من ولعي لشوفك اقدم الساعاتي

طرفي سال دمعه وفاض بالعبراتي

من شوقي لقربك ساهرن ماباتي

***

عودي صار ناحل والفكر مهمومي

وادمتني الليالي بسيفها المسمومي

انصف يامودي وارحم المظلومي

وإتلطف بخلن للجفا ميرومي

***

ياعالي المقامي وياجميل الزوقي

ابوصلك شفايا وبغيابك عوقي

دام إنك موطن بالحشا والموقي

اترفق بقلبن اعتري بالشوقي

***

هجرك يا مودي ما يريح البالي

يتعبني ويرهق بالدموع امقالي

من شوقي لوجهك وطرفك القتالي

برخصلك عيوني ومهجتي والمالي

***

قلبي انت نبضه وبصالك عيده

لا تجرح شعوره بالجفا وتزيده

دام انه مسير في هواكم سيده

حبن غير حبك مايبي وماريده