يا شوق
ياشوق امشي واسرع لي ديار افراحي
واحكيله المواجع ومحنتي واتراحي
قولها عينو دامعه ومشتهيكي وصاحي
جننتي واخير الفي تجاني الماحي
***
بهواها وبريده وروحي تاقت توقه
بهواها وبريده وروحي تاقت توقه
لي ليمه وغرامه وإبتسامه وزوقه
كل ما القمري غرّد في غصونو وقوقه
ببكي علي فراقه وبِتعبر من شوقه
***
***
قلبها لوسجن بتمني فيهو منفاي
وشوفتا ياخلِق غاية عيوني مُناي
المنطوقه أجمل من مُوسيقة آلناي
ذي سكر كِنانه الفي آواخر الشاي
***
يام ديساً مِتل ليل الغلابة أب دمسة
من رِقة حديثك ماخِد الفن لمسة
يوم يعجز لِساني عن الصياح والهمسة
ببصملك بحبك بالأصابع الخمسة
***
ﻭﺣﺎﺓ ﺍﻷﻧﺰﻝ ﺍﻹﺧﻼﺹ ﻭﻧﻮﺡ ﻭﺍﻟﺠﺎﺛﻴﺔ
ﻣﺎﺑﻨﺴﺎﻛﻲ..ﻟﻮ ﺯﺍﻛﺮﺗﻲ ﺗﺼﺒﺢ ﻧﺎﺳﻴﺔ
ﺑﻲ ﺭﻏﻢ ﺍﻟﻌﻮﺍﺯﻝ ﻭﺍﻟﻈﺮوﻑ ﺍﻟﻘﺎﺳﻴﺔ
عهدي معاكي ﺍﻗﻮﻱ ﻣﻦ ﺍﻟﺠﺒﺎﻝ ﺍﻟﺮﺍﺳﻴﺔ
***
ماتلوميني لو يوم من غناك اضربته
يامـا كتبت عنك وعـن هـواك أعربته
دي المحرية فيني وفيها ما آستغربته
زامر الحي اكان بطرب أكنته اطربته
تعليقات
إرسال تعليق