اشعار نزار سراج

اقول اكتب وابوح بالبي واخاف إتناقلو الاخبار اقول اصبر واموتبو كمد يبين إظهر علي الأشعار اناجي حروفي وإتألم واقش طرفي واقول اقدار واخط بي اصدق الدمعات عن الزمن الغدرني وجار *** اروح انا وين من العزال اقبل وين من الواشين ملوني علي جروحي جروح ازوني وشبعوني انين اروح انا وين من الاقراب ومن قلبا" قوي ومابلين وضاقت وضيقوها علي وفي سجن المأسي سجين *** انا المظلوم وبتظلم ومالاقي البجيب لي تار انا الشايل همومي جبال انا العايش جحيم ودمار ودهري بلاني بالحرمان وعلمني الزمن غدار سقيت احلامي دم قلبي وغدرني وزبل الازهار

أحلِف إنك عني سائِل وكُل مُنى نفسك تشوفنا وعارِف الشوق إحتواكا وهام خيالك في وِصوفنا وصاحي تزكر زكرياتنا وفي المنام تغشاك طِيوفنا ونعلم إننا كُل حياتك ولحظة مابتحمل عِزوفنا *** ويا جميل وحياة شبابك إنت شوقك فاق نِصابك ليه تخبي ومابتوضْح وعني ليه تسأل صِحابك وهو الغرام مافيهوعِذه ويعني آيه لو شوقي جابك آعرِف إنك غاوي جُرحي ولي دوام ترسِل حُرابك ولسة بنزِف وشوقك آكبر وكُل مُناي يمطِرسِحابك وتروي حِرمان المشاعر ولينا تعلِن إقترابك *** وأعلم إنك عني سائِل بس سؤالك كاوي جوفنا ويكفي من تسأل صِحابي ونِحنا غِمدك يا سِيوفنا بكرة شوق الشوق يجيبك ياغُنانا وكل حِروفنا نِحنا ماكعبة غرامك ماستطاعة فرِض تطوفنا

زغردي يا مهيرة الليله ذاعو بيان فيهو راحة نفوسنا وللوطن بنيان الجيش قال كلمتو ونشن المليان واستلم الحكومة وبدد الطغيان *** راح عهد الحكومة السوتك كيمان وسقطت وانتهت واتخارجو الكيزان ربي يعلي شانك وعشت يا سودان ويرعاك بي رعايتو وترتقي وتزدان *** اريده وغيره مالي تاني عشقها لي فرض من قمت في وجداني الخلاني امدح وفيك اجيد آلحاني دمي فصيلتو اسمك وبفتخر سوداني .. ﻭﻣﺎ ﺑﻨﺨﺎﻑ ﻣﻦ ﺍﻟﺒﻨﺒﺎﻥ ﻭﻻﻃﻠﻘﺔ ﻋﻤﻴﻞ ﻭﺟﺒﺎﻥ ﻧﻤﻮﺕ ﻧِﺤﻨﺎ ﻭﺗﺸﻮﻓﻮﻋﻴﺎﻥ ﺑﻨﻬﺪﻱ ﺍﺭﻭﺣﻨﺎ ﻟﻠﺴﻮﺩﺍﻥ وبركة الفتو ﻳﺎ ﻛﻴﺰﺍﻥ *** ﻣﺎﺭﺑﻮﻧﺎ ﻳﻮﻡ ﺑﺎﻟﺨﻮﻑ ﻭﻗُﺒْﺎﻟﻜﻢ ﻗﻠﺒﻨﺎ ﺇﻟﻮﻑ ﺑِﻨﻄﺮﺏ ﻟﻠﻜﻼﺷﻨﻜﻮﻑ ﻭﺻﻮﺕ ﺍﻟﺪﻭﺷﻜﺎ ﻭﺍﻟﻘﺮﻧﻮﻑ وبركة الفتو ﻳﺎ ﻛﻴﺰﺍﻥ *** ﻭﻛﺎﻥ ﻃﺎﻝ ﺍﻟﺴﻜﺎﺕ ﻭﺍﻟﺰُﻝ ﻭﻛﺎﻥ ﻓﺎﺭﻕ ﺟﺴﺪﻧﺎ ﺍﻟﻀُﻞ ﺑﻜﺮﺓ ﻭِﻻﺩﻧﺎ ﺑِﺒﻘﻮ ﺍﻟﻜُﻞ ﻭﻳﻐﺮﺳﻮ ﻓﻲ ﻭﻃﻨﺎ ﺍﻟﻔُﻞ وبركة الفتو ﻳﺎ ﻛﻴﺰﺍﻥ *** ﻟﻴﻜﺎ ﺑﻐﻨﻲ ﻳﺎﻛﺎ ﺍﺑﻮﻱ ﻭﺑﻔﺪﻳﻚ ﺑﻲ ﺣﻴﺎﺗﻲ ﻭﺍﺧﻮﻱ ﺯﻏﺮﺩﻱ ﻳﺎﻣﻬﻴﺮﺓ ﺍﻳﻮﻭﻭﻱ ﻭﺑﺮﺩﻋﻠﻚ ﻋﺪﻭﻙ ﻭﻋﺪﻭﻱ وبركة الفتو ﻳﺎ ﻛﻴﺰﺍﻥ *** ﻋﻠﻴﻨﺎ ﻃِﻐﻴﺘﻮ ﺻﺎﺑﻜﻢ ﻣﺲ ﻋﺘﺎﺩﻛﻢ ﺍﻣﺮﻗﻮ ﺧﻠﻮ ﺍﻟﺠﺲ ﻣﺎ ﺑﻨﻌﺮﻑ ﻛﻼﻡ ﺍﻟﺪﺱ ﺷﻌﺎﺭﻧﺎ ﻧﻘﻮﻟﻮ ﺗﺴﻘﻂ ﺑﺲ وبركة الفتو ﻳﺎ ﻛﻴﺰﺍﻥ

ﻭﺁ ﺑﻐﺮﻱ ﺍﻟﺤﺠﻴﺞ الليلة ﺳﺎﻳﺮ ﻋﻠﻲ آﻟﻔﻲ ﺑﻘﺎﻋﻪ ﻳﻜﺮﻡ ﻛﻞ ﺯﺍﻳﺮ ﻣﺎﻧﻌﺎﻧﻲ ﺍﻟﻈﺮﻭﻑ ﻭﺗﺮﺍﻧﻲ ﺣﺎئر عزﺍﻱ ﺍﻟﺸﻮﻕ ﻭﺍﺣﻴﺎﺀ ﺍﻟﺸﻌﺎﺋﺮ *** ﻣﺘﻴﻦ ﻳﺎﺟﺪﺓ ﺍﺣﺮﻡ ﻭﻓﻴﻚ ﺍﺩﻭﺑﻲ ﻭﺍﻗﻮﻡ ﻟﻲ ﻣﻜﺔ ﻭﺇﺭﺟﻊ ﻟﻴﺎ ﺻﻮﺑﻲ ﺍﻃﻮﻑ ﺍﻟﻜﻌﺒﺔ تملى ﺩﻣﻮﻋﻲ ﺗﻮﺑﻲ ﻭﻣﻨﺎﻱ ﻳﺎ ﺍﻟﻠﻪ ﺗﻐﻔﺮ ﻟﻲ ﺯﻧﻮﺑﻲ *** ﻣﺪﻳﻨﺔ ﺍﻟﺨﻴﺮ ﻣﺤﻞ ﺳﻌﺪﻱ ﻭﺷﻔﺎﻳﺎ وﺻﻼﺗﻲ ﻋﻠﻴﻬﻮ ﻳﻨﺒﻮﻉ ﺍﻟﻈﻤﺎﻳﺎ ﺍﺯﻭﺭﻭ ﻧﺒﻴﻨﺎ ﻣﺼﺒﺎﺡ ﺍﻟﻌﻤﺎﻳﺎ ﻭﺑﻤﻮﺕ ﺑﺎﻟﺤﺴﺮﻩ ﻛﺎﻥ ﻣﺎﻧﺘﻢ ﻣﻨﺎﻳﺎ

مصايب الدُنيا والزمن البغيّر قاسي تبدل المن تبه خيّر شمايلاً فينا يام حُسناً بحيّر عليها بغني بالبحر القصيّر **** رجال من قمنا يام ديساً مكلّق قلبنا معبى بالفرسة ومغلّق لِسانا مكجْن النضم المطلّق وماندهونا فوق لستة صعلّق **** ازُكري الفينا بالقول والعمايل دُغري دربنا مابيمشيبو مايل بتفنى الجته وتدوم الشمايل وكم سوينا في العُزال جمايل **** نضيف تاريخنا وإن درتي الادله ما زكرونا بي ياريت وإلا كتار خلق الله إلا آمثالنا قِله لا تدهنسنا..لا..مسكولنا زِله **** مابنقمّح الفي الخير عشامه وفي خد القيم ختينا شامه قلوبنا نضيفة من دنس الغشامه ولايقه علينا كُل خِصل النشامه **** ما بعدونا في القاسيات اواخر لا تجهْلنا لا سخر بينا ساخر يمين اولاد قبايلن خيره زاخر وهيلنا التقوي والعز والمفاخر **** رزينة ألسنا ما بكتر كلامه ومرسية روحنا في بر السلامه بتابى الغيبة والهجاء والملامه وشهادة الزور واكل مال اليتامى **** نفوسنا ابيه مابنفوت حدودنا وإن عاهدنا مابنخون عهودنا ورثنا الحكمة والعفو من جدودنا وقدر ماغضبنا ماتعابت ردودنا **** صفات العزه يا المبروكه هيلنا ويو...

معاك إحترته يا الأمرك غبني   وهديتك ولسه بتقفي وتغني ازيتني ازيه ما تنبابه ظني ودوام بتلاهي بي آم حسنن فتني ‎ ***** زمان وصيتو لاكن كيف هدايتو وقتلو الراعي مسؤل من رعايتو   دريب الريده من ما تشق بدايتو   قدر ما تمشي ما بتوصل نهايتو ***** وسلكتو وازيتني بدروبن طويله   وروحي تراها بي سببك عليله عليها عصرته وإتحيّر دليله ‎     وانا المسكين ومالي اي حيله ***** عيوني مساهرة واتناست مبيتا ووآطول ليله يا النارك وطيتا قتلك اخيرلك إن تبته وختيتا   ووصيتي ضربها الحيطة ونسيتا ***** يا الألمك ظهر في آعضاي ونمي رفقاً بيا يكفي اساي وغمي شيل شيلتك براك دام كست همي   يا الفي الحب وقعته وماك مسمي ***** وياروحي المعاك اصبحت حاير ماك عارفه المحبه كتابه جاير شن دايرابه غير تجني المراير   وعنتر وقيس قبل فيهن سناير ***** مالك ومال عزاب الريد وغشو دام القبلي في طرقاتو طشو ماتخليلو صبرن إلمبو قشو   وشوية موية يحفظ بيها وشو ***** خوفي يكون متل سنمار جزانا وتبقي الحكمة في ياريت عزانا حشيمة المنطق الخلاقه زانا ...

ما تحتشمي يام طبْعاً مِخالف الاية لا بتخافي ربك لا بتراعي ولاية وآ أسفي الفواحش رافعة ليهن راية لابسالك عبايتاً زاته دايرة عباية *** ما يغشك قرينك بالسنين الصافية والهيك بي تياباً للشريعة منافية هاك مني الحقايق بالدلايل الكافية الدهر إن غدربِك مابتضوقي العافية *** فاكرة الدنيا دايمة وناسية يوم الدين وتابعة هواك وسالكة شوارع التايهين قايلة الموت بِشاورك و بِلفح الباقين ومابتفوتي يومك كان مرقتي الصين *** خافي عزاب جهنم وجمرها الوقآد وخلي التقوي رايتك واحِترامك زاد ماتباري المظاهر وتفقِدي المُشهاد والبسي في التياب الواسع الفضفاض *** وماتابعي المظاهر و حسنها المطموس وخافي البيكي بعلم وبكشف المدسوس إقتدي بالعفافن في الكتب مدروس بي زوجات نبينا المصطفي المبعوث *** اخر قولي احزري من غرِقة الضِفة والسبابة عمرها ما بتضاري الشِفه ايه لازم التبرج والفتن والخِفه وايه فايدة جمالاً ماتحرس بالعِفه