اشعار نزار سراج

ولو بتعرفي كيف بفقدك لما تتقطع الرسايل وقلبي بتقطع بلاكي وحالو ببقي صعيب ومايل كنتي مابتغيبي لحظة ومابحول بيناتنا حائل كان بتبقي قريبة مني وحاضرة في كل الوسائل **** ياخ اريتك تبقي طيبة وهانية يا اجمل حبيبة يا شفاء جروحي ودواها ويا قدر روحي ونصيبة يا المليتي فؤادي بهجة وريدة ريانة وخصيبة ابقي عارفة بلا وصالك روحي محزونه وكئيبة **** ويا سلام السمحه بانت وفاحت ازهار الخمائل وإطمأنه قلب معزب حافظ الهوي والجمايل وايه اقول انا تاني عنك وانتي عنوان الشمائل وانتي فايضة عفاف وعزة وانتي فيك انبل خصائل

انتي نومي وشيلي نومي وخلي لي سهر الليالي وخلي لي أرق إشتياقك ولوعة الشوق المثالي ورسلي طيوفك هدية عليها يترنم خيالي وياها زادي آنا يوم تغيبي وسلوة ايامي الخوالي *** البنوم الخالي قلبو وقلبي بي حبك معبة والبنوم المابيعشق وعشقي عارفو الشاب وشبة والبنوم المابدمع ودمعة الحب مستحبة وانتي نايمة عشان عيونك فيهن الريد المخبة *** ونومي واهديني القصائد ويكفي تهديني الغوالي ويكفي بيك اصبحت شاعر أرصع الاحرف لألي ويكفي إني انا في حياتك وفيكي انتي هناي وفالي واصحي شان انده بحبك وقبل اعرفك قلبي خالي

ﺟﺎﻧﻲ ﻣﺮﻩ ﺍﻟﻌﻴﺪ ﻭﺭﻭﺡ ﻭﻟﻴﺎ ﺟﺮﺭﺡ ﺑﻲ ﺳﻴﻮﻓﻚ ﻻ ﻓﺮﺡ ﻋﻤﻪ ﺍﻟﻤﺸﺎﻋﺮ ﻭﻻﺭﺿﺖ ﺟﺎﺩﺕ ﻇﺮﻭﻓﻚ ﻭﺩﻳﻤﻪ ﺗﺒﻌﺪﻱ ﻳﺎﺣﺒﻴﺒﻪ ﻭﺗﻜﻮﻱ ﺑﻲ ﻫﺠﺮﻙ ﻭﻟﻮﻓﻚ ﻭﻧﻔﺴﻲ ﺍسعد ﺑﻴﻬﻮ ﻣﺮﻩ ﻭﺑﻴﻬﻮ ﺇﺗﻬﻨﻰ ﻭﺁﺷﻮﻓﻚ *** ﻭﻳﺎﺣﺒﻴﺒﻪ ﺁﻟﻔﺮﺣﻪ ﺩﻭﻧﻚ ﻣﺮﻩ ﻣﻦ ﻏﻴﺮﻙ ﻣﺄﺳﻲ ﻭﻛﻮﻧﻲ ﺫﻱ ﻗﺎﺭﺏ ﺑﻔﺘﺶ للضفافات و ﺍﻟﻤﺮﺍﺳﻲ ﻭﻻﺷﻤﺲ ﻣﺪﺕ ﺷﻌﺎﻋﻪ ﻭﻻ ﻗﻤﺮ ﺿﻮﻩ ﺍﻻﻣﺎﺳﻲ ﻭﻳﺎﻓﺮﺡ ﻗﻠﺒﻲ ﺁﻟﺒﺮﻳﺪﻙ ﻭﻳﺎﺩﻭﺍﻱ ﻭﻫﻮﺍﻱ ﻭﺁﺳﻲ ﺣﻴﺎﺗﻲ ﻣﻦ ﻏﻴﺮﻙ ﻣﺘﺎﻫﻪ ﻭﺧﻮﻓﻲ ﻗﻠﺒﻚ ﻳﺒﻘﻰ ﻧﺎﺳﻲ *** ﻭﻋﺎﺭﻓﻪ ﺇﻧﻚ ﻓﻲ ﺁﻟﺪﻭﺍﺧﻞ ﻭﻗﻠﺒﻲ ﻣﺎﺑﺤﻤﻞ ﻋﺰﻭﻓﻚ ﻭﻳﻮﻡ ﺁﻧﻮﻡ ﺍﻧﺎ ﺑﻴﻜﻲ ﺑﺤﻠﻢ ﻭﺑﺼﺤﻰ ﺑﺘﺮﻗﺐ ﻃﻴﻮﻓﻚ ﻭﻳﻮﻡ ﺁﻣﺲ ﻭﺗﺮ ﺍﻟﻘﺼﺎﻳﺪ ﺁﻏﻨﻲ ﻭﺁﻛﺘﺐ ﻓﻲ ﺣﺮﻭﻓﻚ ﻭﻳﻮﻡ ﺁﻋﺎﻳﻦ ﻓﻲ ﺍﻟﻤﺮﺍﻳﺎ آنا ﻣﺎﺑﺸﻮﻑ ﻧﻔﺴﻲ ﻭﺑﺸﻮﻓﻚ

نحنا كان بيناتنا قصة وريدة اكبر من كبيرة وكنا احلي اتنين آحبه وكنا صافين السريرة ودارت الدنيا وشقتني وسهرت عيني الغريرة وفجاءه طله عليا صيفه..وصبحت الأيام مريرة *** ما حرام يا دنيا تقسي وليه توريني العجايب زمبي ايه انا لو عشقته امسي واصبح بالمصايب? ياخي رغم الجاني منك ومن عزابات القرايب كان تخلي البينا عامرة وكان تحني علي الحبايب *** ياها دي المكتوبة ليا ابقي بين الالام وحيرة ياحليل افراحي ولت واصبحت اطلال وسيرة دنيا فيها عرفته انو روحي مابتفوت مصيرة ومدة الالام طويلة ومدة الافراح قصيرة

يوم قلت إني مناك رؤياك ومسموعك غايتك اماني هواك في الدنيا مطموعك لبيت هويت دنياك نورتها شموعك سللمت قلبي إليك خليتو ينبوعك تأمر بدون ارفض تأمر وقول طوعك *** اوفيتو عهد الريد احسنته في الإحسان اخلصت عهدي معاك سميتك أغلا آنسان لاخنته لا مليت لاعندي حبك هان وامنت من جواي غيرك علي حرمان وآخر مطافي معاك إتعالى قلبك خان *** فاكر بجيك مشتاق تأمر وقول طوعك لا لا وحات عينيك يالكنت مخدوعك ماظني ليكا أعود لوتبكي بدموعك لوحبي ليك آلقوت موت إنت بي جوعك ولو تاني ارجع ليك تقدر تبوس  كوعك

شوقي آنا كيف أخبيهو وآدثرو من عيون الناس ادسو وادفنو في احشاي وتفضحو حرة الانفاس الاهيبو واغني براي ويمرق في الشعر نبراس اروح انا وين من اللوعه وملتني من القدم للراس *** اسوي شنو وملكني الشوق وماقادر اقول مشتاق وعايش في زمن ظالم وجاير وعنتري وفرااق ومابنصف اسير الشوق و يرحم غصة العشاق اسوي شنو وتراني جريح وكايس للألم ترياق *** كفاك ابرد عليك الله مصيرك تنجرح لابآس تعال اديك سر مكشوف وقيدو مني في كراس اكتب دنيا ظلااااامة وبتدي الا شقى ولاكاس وكان متبك شهيدك انا وخبر بي نباي الناس

ﺭﻭﺣﻚ ﻫﺬبة ﻭﻧﻘﻴﻬﺎ ﺑﻲ ﺇﻳﻤﺎﻧﻚ ﺍﻟﻐِﻨﻰ ﺗﺮﺿﻲ ﺭﺑﻚ ﻭﺗﺤﺘﺮﻡ ﺟﻴﺮﺍﻧﻚ ﺍﻟﻌﻔﻮ ﻭﺍﻟﺘﺴﺎﻣﺢ ﺧﻠﻬِﻦ ﻋِﻨﻮﺍﻧﻚ ﺍﻭﻋﻚ ﻣﻦ ﺗﻐﺸﻚ ﻭﺗﺘﺒﻊ ﺷﻴﻄﺎﻧﻚ *** ﻣﺎﻳﻐﺮّﻙ ﺟﻤﺎلا ﻭﺍﻭعى ﻣﻦ ﺗِﺘﻜﺒْﺮ ﺍﺻﻠﻮ نعيمة ﺯﺍﻳﻞ ﻭﺇﺗﻌﻆ ﻭﺇﺗﻌﺒْﺮ ﺇﻥ ﺿﺎﻗﺖ ﺑِﺘُﻔﺮﺝ ﻭﺍﻟﻜﺴﺮ ﺑِﺘﺠﺒْﺮ ﺍﺻﺒﺮ ﻭﺍﻟﺰﻡ ﺍﻟﺼﺒﺮ ﺇﻥ ﻛِﻤﻞ ﺇﺗﺼﺒْﺮ *** ﻧﻀﻤﻚ ﺣﻜﻤﻮ ﻭﺇﺗﺄﻧﻪ ﻭﺍﻋﺮﻑ ﺻﻮﺑﻚ ﺍﻟﺤﻖ ﻗﻮﻟﻮ ﺟﻬﺮﺍً ﻛﺎﻥ ﺍﺑﻮﻙ ﻭﺭﺿﻮﺑﻚ ﺗﻤﺮ ﺍﻟﻨﺎﺱ ﺑﻀﺮّﻙ ﻭﺑﻨﻔﻌﻚ ﻻﻟﻮﺑﻚ ﺇﻥ ﻋﺮّﻳﺖ ﺟﻮﺍﻫﺮﻙ ﻣﺎﺑﺴﺘﺮﻙ ﺗﻮﺑﻚ *** ﺇﻥ ﺩﺭﺕ ﺍﻟﺒﺄﺯﺭﻙ ﻭﺍﻟﺼﺪﻳﻖ ﺍﻟﻔﺎﻟﺢ ﺍﺳﻌﺎ ﺍﻟﺪيمة ﺑﻨﻀﻢ ﺑﺎﻟﺤﺪﻳﺚ ﺍﻟﺼﺎﻟﺢ ﺍﺣﺰﺭ ﻣﻦ ﻟِﺴﺎﻧﻚ ﻭﺍﻟﻜﻼﻡ ﺍﻟﻄﺎﻟﺢ ﺍﻟﻨﻴﻞ ﻓﺮﻗﻮ ﺑِﻈﻬﺮ ﻳﻮﻡ ﺗﻀﻮﻕ ﺍﻟﻤﺎﻟﺢ *** ﻣﺎﺗﺼﺎﺣﺐ ﺍﻟﺠﺒﺎﻥ ﺍﻟﻴﻮﻡ ﺗﻘﻊ ﻣﺎﺑﺴِﻨﺪﻙ ﺇﻥ ﻗﻠﺖ ﺍﻟﺤﻘﺎﻳﻖ ﺑﻲ ﻭﺭﺍﻛﺎ ﻳﻔِﻨﺪﻙ ﺍﺳﻌﻲ ﺍﻟﻬﻴﻠﻮ ﻫﻴﻠﻚ ﻭﺍﺭﻛﺰ ﺍﻛﺮﺏ ﺯِﻧﺪﻙ ﺇﺳﺘﻘﺒﻞ ﺿِﻴﻮﻓﻚ ﻭﺟﻮﺩﻟﻬﻢ ﺑﺎﻟﻌﻨﺪﻙ *** ﻣﺎﺗﺒﺎﺭﻱ ﺍﻟﻤﻨﺎﻓﻖ ﻭﺍﻟﺠﺒﺎﻥ ﻭﻣﺮﻣّﺪ ﺍﻟﺤُﺮ ﻏﺮﺳﻮ ﻃﻴّﺐ ﻭﺑﺎﻟﻤﺮﻭﻩ ﻣﺴﻤّﺪ ﻣﺎﻛُﻞ ﺍﻟﻤﻬﻨﺪﻡ ﻓﻲ ﺍلقبيلة ﻣﻌﻤّﺪ ﺍُﺧﺪ ﺍﻟﻔﺘﻮﻱ ﻣﻦ ﺩﻳﻨﺎ ﻭﻧﺒﻴﻨﺎ ﻣﺤﻤﺪ *** ﺧﺎﻭﻱ ﺍﻟﺮﺍﻳﻮ ﺑِﺼﻠﺢ ﻭﺑِﻌﺘﺮﻑ ﺑﻲ ﺷﻴﻨﻮ ﻣﺎﺗﺘﻌﺪﻱ ﺣﺪﺍً ﻳﺒﻘﻰ ﺑﻴﻨﻚ ﻭﺑﻴﻨﻮ ﻓﻲ ﺍﻟﺪﻧﻴﺎ ﺍﻟﻌﺒﻮﺱ ﺍﺧﺘﻰ ﺍﻟﺒﻴﺘﺒﻆ ﻋﻴﻨﻮ ﺍﻟﺨﺎﻳﺐ ﺍﻟﺒِﺨﻮﻧﻚ ﻭﺍﻟﺒﻌﻴﻖ ﻭﺍﻟﺪﻳﻨﻮ *** ﺍﻣﺮﻙ ﻓﻮﺿﻮ ﺍﻟﺨﺎﻟﻘﻨﺎ ﻣﻬﻤﺎ تقسى ﻣﺎﺗﺮﺟﺎ البِزﻟّﻚ ﻭﺑﺎﻟﻘﻨﺎعة ﺁﺗﺮسى ﺍﺧﺘﺎ ﺍﻟﻴﻮﻡ ﻣُﻼﻗﺎﺕ ﺍﻟﻀﻴﻮﻑ ﺑﺘﺪسى ﺍﻟﺴﻤﺎﺀ ﻟﻠﺨﻠِﻖ ﺑ...