اشعار نزار سراج

*فرقة* من يوم  فتي قلبي تراهو في آلامو هداهو إبتعادك والدهر واحكامو اخفي البيا وأصبر كان تحن ايامو دمع الشوق يقطر وطرفي يابا منامو *** كفي يافرقه مليت  من  الم منفاكي دايمن انا المعزب ومن تجاهك شاكي ربع الجاني منك إن رجعلك وجاكي لو مابقيتي عبرة  من  الوجود بمحاكي *** يا اهل الهوي الصايبني  من  اسبابه ماهما قفي واشرح مابتوفي كتابه جات جاطت حياتي الفرهدت يادابه قلبت لي وشيها وكشرت انيابه *** ازتني وودرت نوم العيون وسكينتي اشقتني وفقدته قبس دناي ورتينتي منها وآ كتر همي وشقاي وغبينتي جاتني رياحه بالمابتشتهيهو سفينتي *** كل ماقول اقاوم حسرته وبهديله تخزلني المروه وإنجرف في سيله إستسلم وأسلم وإتردع بي ويله والقا البارح ارحم  من  صباح الليله *** مالك مابتحني ومابتحقي منية اخفي البي وأدثرو ينكشف في الغنيه للأسي والمواجع إسمي اصبح كنية قاصداني التقول انا فد بشر في الدنيا *** ساله عليا خنجر بالسموم مبرود وشانه علي حرب الصفدو ومطرود بي آلم الميتم وكسفة المغرود وفوق الراس تنوني زبابة النمرود *** عينين الخلايق بالمنام إتسلت وبيني وبينو مشكلة للدغش م...